“Tesla” Hindistanda avtomobil satmaq planını dayandırıb

“Tesla Inc” tariflərlə bağlı fikir ayrılıqları fonunda Hindistanda avtomobil satmaq planını dayandırıb. Bu barədə TED.az Reuters-ə istinadən xəbər verir.

Qərar hökumət nümayəndələri ilə bir ildən çox davam edən dalana dirənmiş danışıqları əhatə edir. Çünki “Tesla” ABŞ və Çindəki istehsal mərkəzlərindən idxal edilən elektrik avtomobillərini daha aşağı tariflərlə sataraq ilk tələbi sınamağa çalışırdı.

Lakin Hindistan hökuməti idxal olunan avtomobillərdə 100%-ə çata bilən tarifləri aşağı salmazdan əvvəl “Tesla”nı yerli istehsalla məşğul olmağa məcbur edir.

Şirkətin planları ilə tanış mənbələr “Reuters” agentliyinə bildiriblər ki, “Tesla” lobbiçiliyinin bir nəticə verib-vermədiyini görmək üçün Hindistanın büdcəsini açıqladığı və vergi dəyişikliklərini elan etdiyi gün, fevralın 1-nə qədər vaxt təyin edilibmiş.

Baş nazir Narendra Modinin hökuməti güzəşt təklif etmədikdə, “Tesla” Hindistana avtomobil idxal etmək planlarını dayandırıb.

Mənbələrdən Reutersə ikisinin dediyinə görə, Tesla aylar ərzində Hindistanın əsas şəhərləri olan Yeni Dehli, Mumbay və Benqalurda sərgi salonları və xidmət mərkəzləri açmaq üçün daşınmaz əmlak variantlarını araşdırmışdı, lakin bu plan da hazırda dayandırılıb.