«Toyota» və «BMW» yeni model hazırlayacaqlar

Yapon avtoistehsalçı «Toyota» rəsmi olaraq təsdiq edib ki, şirkətdə Almaniyanın «BMW» şirkəti mütəxəssisləri ilə birgə yeni sportkarın hazırlanması üzrə iş aparılır. Yeni avtomobil brendin model sırasında GT 86 modelindən aşağıda yerləşəcək. Avtosfer.az 4charx.com-a istinadən bildirir ki, yeni modelin dünya premyerası 2017-ci ilə təyin edilib.

Məlumatlara görə, brendin idman avtomobilləri sırasının flaqmanı olacaq yeni «Toyota» sportkarı «Supra» adlandırılacaq. Avtomobilin kuzovu karbondan hazırlanacaq və o, hibrid güc qurğusu əldə edəcək. Yeni modelin eksteryeri daha çox dünya premyerası keçən il «Detroyt» avtosalonunda nümayiş etdirilmiş konseptual F-1 modelini təkrar edəcək.