«Volvo»lar da ucuzlaşdı

Bakıda  “Volvo” avtomobilləri də ucuzlaşıb. Bununla bağlı fins.az-a “Volvo” avtomobillərinin Azərbaycanda rəsmi təmsilçisi “Aztol Motors”dan bildirilib. Şirkətdən verilən məlumata görə, Yeni İllə bağlı müxtəlif modellərdə endirim kampaniyası  keçirilir. Kampaniya dekabrın 31-nə kimi davam edəcək.

Kampaniya çərçivəsində avtomobillər 2000 manat endirimlə satılır. Şirkətin satış meneceri Ayaz Cabbarzadənin sözlərinə görə, “Volvo S80”  modelləri 53 min manatdan 51 min manata qədər ucuzlaşıb. “ XC 60” modelləri  də  2000 manat ucuzlaşaraq 42 min manat olub. İndiyədək  40 min manata satılan “Volvo V60” maşınları isə endirimdən sonra 38 min manata satılır.