Xanım müğənni: “Yol polisinə yalvarmıram” 

Avtolent.az “Avtomobil idarə edən məşhur xanımlar” rubrikasını davam etdirir. Rubrikamızın budəfəki qonağı məşhur müğənni Lətifə Soyuözdür. Özünün dediyinə görə, 2010-cu ildə sürücülük hüququ əldə edən müğənni elə həmin ildən avtomobil idarə edir. Müğənni hazırda 62 min manat qiyməti olan “Toyota Land Cruiser” sürür. Buna qədər isə müğənni “Merdeces 600”, “Mercedes S Class” , “Jeep Grand Cherokee” idarə edib. Xanım müğənni yol hərəkəti qaydasını pozmadığını qeyd edib: “Qaydanı pozanda polisə yalvar-yaxar etmirəm. Sənədlərimi verirəm cəriməm nədirsə yol polisi yazır və o cəriməni ödəyirəm”

Lətifə xanım təhlükəsizlik kəmərindən həmişə istifadə edir: ”Bəziləri buna gülür, amma mən öz təhlükəsizliyim üçün təhlükəsizlik kəmərindən istifadə edirəm”.

Lətifə Soyuöz qeyd edib ki, özünün və insanların həyatını təhlükəyə atmamaq üçün avtomobili yolda icazə verilən surətlə idarə edir.