Zeekr sahiblərinin avtomobilləri əllərindən çıxa bilər

Çinli avtomobil istehsalçısı Zeekr “paralel” ixrac, yəni istehsalçının xəbəri olamadan həyata keçirilmiş ixrac yolu ilə əldə edilən avtomobilləri bloklayacaq.

Avtosfer.az xəbər verir ki, iyulun 15-dən sonra istehsal edilmiş, Çin ərazisindən kənarda olan və ya zavodun tövsiyə etmədiyi sim kartla idarə edilən bütün avtomobillər bloklanacaq.
Bloklanma mərhələli şəkildə aparılacaq. İlk növbədə avtomobil sahibinə nəqliyyat vasitəsinin servis zonasından kənarda olması barədə xəbərdarlıq ediləcək və maşını Çinə qaytarmaq tövsiyə ediləcək.
Növbəti mərhələdə avtomobilin ekranı söndüüləcək və Zeekr servis mərkəzinə yaxınlaşmaqla bağlı xəbərdarlıq görünəcək. Növbəti mərhələ ilə bağlı isə məlumat verilmir. Bildirilir ki, ekranı blokdan ayırmaq üçün yeganə şərt avtomobili təyin olunduğu bazara qaytarmaqdır.  

Şirkətin bu açıqlaması MDB məkanında ciddi narahatlığa səbəb olub. Orta Asiya və Rusiyada bu cür,  “paralel” ixrac yolu ilə əldə edilmiş çox sayda avtomobil var.