Apple Hyundai və Kia ilə Apple Car danışıqlarını dayandırdı - SƏBƏB

Apple Hyundai və Kia ilə Apple Car danışıqlarını dayandırıb. 
Buna səbəb gizlilik anlaşmasının pozulmasıdır. Məlmatda o da qeyd edilir ki, problemin nə zaman həll olunacağı məlum deyil.
Gizliliyi ön planda tutan Apple-ın sözügedən addımı atmasına Hyundai Motors səbəb olub. Şirkətin danışıqlar barədə ictimaiyyəti məlumatlandırması Apple rəsmilərinin xoşuna gəlməyib. Beləcə, danışıqlar dondurulub. 
İddiaya görə, Apple digər avtomobil istehsalçıları ilə danışıqlara davam edəcək və gizliliyi daha da ön plana çıxaracaq. Hyundai ilə əməkdaşlıq məsələsinin isə hansı nəticəni verəcəyi məlum deyil. Bundan başqa, Apple Car-ın nə zaman nümayiş ediləcəyi də öz müəmmasını qoruyur. 
Digər iddiaya görə, Apple Car ən yaxşı halda 5 il sonra təqdim olunacaq.