“AvtoVAZ” avtomobillərinin qiymətini kəskin şəkildə qaldırdı

Rusiyanın "AvtoVAZ" şirkəti martın 1-dən etibarən Lada avtomobillərinin qiymətlərini kəskin şəkildə qaldırıb. Avtosfer.az xəbər verir ki, bu barədə Rusiya mediası məlumat yayıb. Qeyd edilir ki, yenilənmiş qiymət siyahılarına əsasən, bütün modellər üçün orta artım təxminən 15% təşkil edir.

- Mövcud qiymət siyahısına əsasən, indi Lada Granta-nın minimum qiyməti 685 min rubl (+14%), Vesta - 1 milyon 33 min rubl (+20%), Largus universal - 1 milyon 77 min rubl (+30%) təşkil edir. Bundan başqa Xray 1 milyon 10 min rubl (+22%), Niva Legend - 777 min rubl (+9%), Niva Travel isə 1 milyon 4 min rublolub (+14%).

Bu, yerli brend üçün bir il ərzində ikinci qiymət artımıdır. Əvvəllər qiymət artımı, bir qayda olaraq, 1-3%-i keçmirdi,-məqalədə yazılıb.

AzVision