Bu avtomobil eyni mühərrik və sürət qutusu ilə 2 milyon km qət edib - FOTO

Yeni zelandiyalı poçtalyon Qrem Hebleyin avtomobili bu günlərdə 2 milyon kilometri geridə qoyub. Avtosfer.az-ın xəbərinə görə, hər həftə təxminən 5000 km qət edən avtomobil bu gün də saz vəziyyətdədir. Hebley bunun səbəbini kameralara danışıb. Poçtalyon bildirib ki, 1993-cü ildə istehsal edilmiş “Toyota Corolla”nı 2000-ci ildə alanda avtomobil 80 000 km qət etmişdi. 
Hebley reqlamentlə nəzərdə tutulan qulluqdan başqa, avtomobili ayda 2 dəfə servisə aparıb. Bu səbəbdən avtomobil bu müddətə saz vəziyyətdə qalıb.
2 milyon kilometri geridə qoymuş avtomobildə əsasən rezin hissələr və məsrəf materialları (təkər, filtr, şüşəsilən, lampa və s.) dəyişib. Qazpaylama qayışı 22 dəfə dəyişsə də, mühərrik, sürət qutusu və kuzov orijinaldır.  Avtomobil alverçiləri demiş, “bez kraska, bez detal”.

Vüqar