Elektromobilləri ev şəraitində 4 saata doldurmaq mümkün olacaq – YENİLİK

İspaniyanın elektrik enerjisi doldurma şirkəti Wallbox sürücülərin elektromobillərini evdən tam şarj etmələri üçün yeni stansiyasını təqdim edib.

TED.az xəbər verir ki, bu texnologiya ilə enerji doldurmaya sərf olunan vaxt 8-10 dəfə azaldılıb. 

Öncə ABŞ bazarı üçün təqdim olunan Səviyyə 2 şarj dəsti, Chevy Bolt və oxşar batareya həcmi olan elektromobilləri ev şəraitində cəmi 4 saata tam doldura bilir.

Wallbox-un 40 amperlik çıxışı olan Pulsar ağıllı şarj dəstinin satış qiyməti 649 dollardır. Daha yüksək buraxılışlı 48 amperlik Wallbox Pulsar Plus versiyası isə 699 dollara satışa çıxarılacaq.