Estoniya “Yandex.Taxi” ni qadağan edir

Estoniya hökuməti aprelin 11-dən “Yandex N.V.”nin ölkədə fəaliyyətinin qadağan edilməsi ilə bağlı qərar qəbul edib.
Avtosfer.az xəbər verir ki, bunu ölkənin baş naziri Kaya Kallas bildirib. “Yandex-in qadağası Rusiya kəşfiyyat orqanları ilə əməkdaşlıq edən şirkətlərə Estoniyada yer olmadığına dair aydın mesaj verir. Estoniya Avropa İttifaqında şirkətə qarşı sanksiyalar tətbiq etmək təklifi ilə çıxış edib”, - Kallas bildirib. Qərardan sonra Estoniya provayderləri taksi ilə əlaqəli Yandex NV vebsaytlarına və proqramlarına (Yandex Go və Yandex Pro) girişi məhdudlaşdırmalıdır. Bundan əlavə, proqram mağazaları (Google Play, App Store və s.) öz proqram mağazasından Yandex proqramlarının yüklənməsini məhdudlaşdırmalı və proqram yeniləmələrini təklif etməyi dayandırmalıdır. Martın 31-də hökumət tərəfindən təsdiqlənmiş “Yandex N.V.”yə qarşı sanksiyalar aprelin 11-dən qüvvəyə minəcək.
AzVision.az