Hibrid maşınların satışı - ilk dəfə dizel avtomobillərini üstələyib

Avropanın avtomobil bazarında mini inqilab baş verib. İlk dəfə olaraq özü enerji yığan hibrid avtomobillərin satışı dizel avtomobillərinin satışını üstələyib. Avtosfer.az xəbər verir ki, Avropa Avtomobil Sənayesi Müəssisələri Assosiasiyası (ACEA) bildirib ki, 2021-ci ildə Avropada daxilində özü enerji yığma mexanizmi olan hibrid avtomobillərin satışı dizel avtomobillərin satışını üstələyib.

Satış həcmləri arasında fərq böyük deyil – cəmi 48 avtomobil olsa da, hibridləriin və dizellərin satış həcmləri sürətlə dəyişib.

Belə ki, 2020-ci ildə Avropada 2,77 milyon dizel avtomobil satılmışdısa, 2021-ci ildə bu rəqəm 1 901 191-ə enib – yəni satışlar 31% azalıb.

Hibrid avtomobillərinin satışı isə əksinə kəskin artıb. Əgər 2020-ci ildə 1,1 milyon avtomobil satılmışdısa, 2021-ci ildə bu rəqəm 1 901 239-a yüksəlib – yəni 73% artım var.

Bundan başqqa, ACEA bildirib ki, ötən il Avropada satılan hər 11 avtomobildən biri tamamilə elektriklə işləyir – ümumilikdə 880 min belə avtomobil satılıb.