"Hyundai" ilə Apple-ın birgə elektromobil "sevdası" reallaşmaya bilər

Hyundai Apple ilə gözlənilən əməkdaşlığı qurmaya bilər. Şirkətin Kia-ya üstünlük verəcəyi bildirilir.

Reuters-in məlumatına görə, elektromobil istehsalı üçün Hyundai Apple-ın düşündüyü tək şirkət deyil. Sadəcə onun şansı digərləri ilə müqayisədə daha çox hesab edilib. 

Məlumata görə, Hyundai Apple-ın elektrikli avtomobil layihəsində ortaq olmaqdan ehtiyat edir. Koreyalı avtomobil istehsalçısının kənar şirkətlərlə işləməkdə tərəddüd etdiyi bildirilir. Deyilənə görə, hətta şirkətlər arasında qarşıdurmadan qaçmaq üçün yüksək statuslu rəhbərlər belə, dəyişilə bilər.

Digər iddialara görə, Apple elektrikli avtomobilini Kia ilə ortaq şəkildə istehsal edə bilər. Avtomobilin şassisi, güc aqreqatı və digər komponentlərinin başqa şirkətlərdən tədarük ediləcəyi bildirilir.

Başqa bir təxminə görə isə, Apple Hyundai-ın əməkdaşlıq etməsi üçün bəzi təşviq tədbirləri görə bilər. Şirkət Hyundai-ın avadanlıq və proqram təminatına girişini aça onun bu texnologiyadan yararlanmasına icazə verilə bilər.