"Hyundai"ların Rusiyada buraxılması DAYANDIRILDI

Sankt-Peterburqdakı Hyundai zavodu avtomobil hissələrinin tədarükündə qlobal logistika fasilələri səbəbindən martın 1-dən istehsalı dayandıracaq. İstehsalın martın 9-da bərpa edilməsi planlaşdırılır.

Avtosfer.az xəbər verir ki, bu barədə zavodun mətbuat xidmətindən bildirilib.

"Martın 1-5-də "Hyundai Motor Manufacturing Rus" (XMMR) zavodu avtomobil hissələrinin tədarükündə davam edən qlobal logistik fasilələr səbəbindən komponent çatışmazlığı səbəbindən istehsalı müvəqqəti dayandıracaq. İstehsalı martın 9-da bərpa etməyi planlaşdırırıq", - məlumatda deyilir. 

Qeyd olunur ki, zavod 2020-ci ilin sonundan başlayaraq vaxtaşırı avtomobil hissələrinin tədarükündə fasilələrlə üzləşir.

"Hyundai Motor Company" 2010-cu ilin sentyabrında Sankt-Peterburqda zavodunu işə salıb. İndi zavod Hyundai Solaris, Kia Rio, Kia Rio X-Line modellərini və Hyundai Creta krossoverini istehsal edir. Sankt-Peterburqda istehsal olunan ən çox avtomobil Hyundai zavodunun payına düşür. (Marja)