İri avtomobil istehsalçısı zavodunun Rusiyadan köçürülməsini nəzərdən keçirir

İri avtomobil istehsalçısı "Stellantis" zavodunu Rusiyadan köçürməyi və ya mümkün sanksiyalara görə istehsalı azaltmağı düşünür.

Avtosfer.az xəbər verir ki, bu barədə çərşənbə günü "The Wall Street Journal" (WSJ) məlumat yayıb.

Nəşr Konsernin rəhbəri Karlos Tavaresdən sitat gətirib: "Əgər zavodu ehtiyat hissələri ilə təmin edə bilməyəcəyimiz halda, ya bu istehsalı başqa ölkələrə köçürmək, ya da məhdudlaşdırmaq məcburiyyətində qalacağıq".

WSJ-nin yazdığına görə, bu, Ukrayna ətrafındakı vəziyyətlə əlaqədar ABŞ və müttəfiqlərinin Rusiya Federasiyasına qarşı tətbiq etdiyi mümkün sanksiyalar ilə bağlı olaraq nəzərdən keçirilir.

"Stellantis" Qrupu "Peugeot S.A"nın "Fiat Chrysler Automobiles N.V." (FCA) ilə birləşməsi nəticəsində yaranıb. Şirkət 130-dan çox dünya bazarında mövcuddur, 30-dan çox ölkədə sənaye müəssisələrinə malikdir və 400 mindən çox işçini birləşdirir.

Rusiyada "Stellantis" qrupu Peugeot, Citroen, Opel, Eurorepar, Eurorepar Car Service, Jeep, Fiat Professional, Mopar markaları ilə təmsil olunur, həmçinin Rosva sənaye klasterində (Kaluqa bölgəsi) istehsal sahəsi var.

Marja