"Mercedes Benz" yeni elektromobilini təqdim edəcək

Aparıcı avtomobil istehsalçısı olan Mercedes-Benz plug-in hibrid və elektrikli modellərin satışı üçün hədəflərini açıqlayıb.

Avtosfer.az xəbər verir ki, ötən il xEV adlı 160 mindən çox avtomobil satıldığı deyilən Mercedes-Benz-dən bu istiqamətdə 228% artım qeydə alındığı bildirilib. İlin dördüncü rübündə 87 min plug-in hibrid və elektrikli vasitə satan Mercedes-Benz elektromobil payını 2%-dən 7,4%-ə yüksəldib.

Şirkət rəsmiləri bildiriblər ki, bu il Avropadakı CO2 hədəflərinə yenidən çatmağı planlaşdırırlar.

2021-ci ildə 4 yeni Mercedes-EQ modelini təqdim edəcək şirkət hazırda plug-in hibrid ailəsinə C-Class və S-Class modellərini əlavə etməyi hədəfləyir.