"Nissan" və "Infinit" iki yeni elektrik sedanı hazırlayırlar

Nisssan şirkəti Kantondakı (ABŞ, Missisipi ştatı) yığma meydançasına böyük sərmayə qoyacağını bəyan edib. Yaponlar müəssisənin modernləşdirilməsinə 500 milyon dollar investisiya qoyaraq , sonradan bu meydançada Nissan və Infiniti emblemlərini daşiyan iki yeni elektrik sedanının istehsalına başlamaq niyyətindədir. Hər iki elektrosedan 2025-ci ildə debüt etməlidir, hələlik isə, şirkət yeniliklərin ilk videotizerlərini dərc edib.

Yarım dəqiqəlik videçarxda Nissan və Infiniti markalarınmın elektrik yenilikləri sedana bənzəyirlər ki, bu da, krossoverlərin populyarlığının artdığı bir zamanda qeyri-adi görünə bilər. Yeni elektromobillər barədə heç bir məlumat verilməyib, lakin bir sıra məlumatlara görə, onların əsasını Renault-Nissan-Mitsubishi alyansının CMF-EV platforması təşkil edə bilər. 

Xatırladaq ki, bu platformadan Nissan Ariya və Renault Megane E-Tech modellərinin inşasında istifadə olunub. Bu arxitekturanı C və D sinifindən olan modellər üçün hazırlayıblar: cəmi 15 yeni modelin buraxılması nəzərdə tutulub və 2023-cü ilə onların ümumi satış həcmi 1,5 milyon nüsxəyə çatmalıdır.

Autograph.az