"Porsche Taycan" dan inanılmaz rekord...

“Porsche Taycan” elektromobili ABŞ-ın bütün ərazisini səyahət etmək üçün lazım olan enerjini ən qısa müddətdə toplayaraq “Ginnes Rekordlar Kitabı”na düşüb.

Axar.az xəbər verir ki, Los-Ancelesdən Nyu-Yorka qədər məsafə (4535,2 km) üçün lazım olan enerjini sözügedən elektromobil 2 saat 26 dəqiqə 48 saniyəyə yığıb.

Qeyd edək ki, bundan öncəki rekord Kia Ev6-ya məxsus olub. Bu nəqliyyat vasitəsi Nyu-Yorkdan Los-Ancelesə qədər məsafə üçün lazım olan enerjini 7 saat 10 dəqiqə 1 saniyəyə tamamlamışdı.