Rusiyanın “AvtoVAZ” şirkəti avtomobil istehsalını dayandırdı

Rusiyanın “AvtoVAZ” şirkəti komponentlərin (avtomobil hissələrinin) çatışmazlığı səbəbindən martın 5-dən Tolyattidəki zavodunda avtomobillərin istehsalını qeyri-müəyyən müddətə dayandıracaq.
Avtosfer.az xəbər verir ki, bu barədə “Vedomosti”yə şirkətdəki iki mənbə məlumat verib. Həmsöhbətlərə fasilələrin dəqiq müddətinin aydın olmadığı deyilib. Əvvəlcə bu, bir neçə gün olub, lakin indiki vəziyyəti nəzərə alsaq, tarixi təxmin etmək çox çətindir. Şirkətin nümayəndəsi “Vedomosti”nin suallarını cavablandırmayıb.
Rusiyada avtomobillərin daşınmasının və ya istehsalının dayandırıldığını artıq elan edənlər arasında Volkswagen Group Rus (Audi, Volkswagen, Skoda, Porsche, Lamborghini, Bentley və Ducati motosikletləri), General Motors (Chevrolet və Cadillac), Jaguar Land Rover, BMW, Renault, Hyundai, Toyota, Lexus da var.

Bizim.Media