Təkərdəki yanlış təzyiq əlavə xərcə salır - Mütləq baxın - VİDEO

Avtomobillərin təkərlərinə vurulan hava və ya azotun təzyiqi normadan az və ya çox olduqda, bu sürücüləri əlavə xərcə salmaqla yanaşı, qəza riskini artırır. Bir çox sürücü isə avtomobilinin təkərinə hansı təzyiqdə hava vurmalı olduğundan xəbərsizdir. Əksər sürücü avtomobilinin təkərinin havasının hansı ölçüdə olmalı olduğunu bilmir. Mütəxəssislər isə sürücülərin bunu rahatlıqla öyrənə biləcəklərini deyirlər. Əksər vulkanizasiya məntəqələrində təkərdəki havanın təzyiqini ölçən manometrlər düzgün işləmədiyindən sürücülər buna nəzarət edə bilmirlər. Mütəxəssislər bunun üçün peşəkarlara müraciət edilməsini vacib sayırlar. Bu ölçünün düzgün olmaması isə əlavə xərcə səbəb ola bilər.

Avtomobilin təkəri hava ilə doldurulubsa, ən azı həftədə bir, azot ilə doldurulubsa ayda 1 dəfə yoxlanılmalıdır.