“Tesla” Şərqdəki fəaliyyətini genişləndirir

“Tesla” Çindəki istehsal gücünü iki dəfədən çox artırmaq planının bir hissəsi olaraq mart ayında Şanxayda yeni fabrikin inşasına başlamağı planlaşdırır.

Bu qərar ölkədə və ixrac bazarlarında elektromobillərə artan tələbatı ödəmək üçün verilib.

Yeni zavod hazırda “Tesla Model 3” sedanı və “Model Y” krossoverinin istehsal olunduğu Şanxayın Pudonq rayonunda yerləşən “Tesla Gigafactory”-nin yanında yerləşəcək. Müəssisə tam fəaliyyətə başladıqdan sonra ildə iki milyona qədər məhsul istehsal edə biləcəklər.

Qeyd edək ki, keçən il dünyada satılan 936 min Tesla avtomobilinin təxminən yarısı Çində istehsal edilib.