"Volvo" elektromobillərin istehsal həcmini artıracaq

Volvo avtomobil şirkəti Belçikanın Gent şəhərindəki elektrikli avtomobil zavodunda istehsal gücünü 3 qat artıracaq. 

Bu qərar "yaşıl" avtomobillərə sürətlə artan tələbata görə verilib. 

Volvonun ümumi satışlarındakı Recharge nəqliyyat vasitələrinin payı 2019-cu illə müqayisədə 2 dəfədən çox artıb.

"Bütün model çeşidimizi elektrikləşdirməyə və istehsal gücümüzü artırmağa davam etdikcə Gent qlobal istehsal şəbəkəmizin əsl flaqmanına çevrilir", - deyə Volvo Cars-ın İstehsalat və Lojistik üzrə Baş vitse-prezidenti Javier Varela deyib.

Onun sözlərinə görə, 2022-ci ilədək Ghent zavodundakı elektrikli vasitə yığma gücü zavodun ümumi istehsal gücünün təxminən 60%-ni təşkil edəcək. (Ted.az)