"Volvo"nun satışları kəskin azalıb

"Volvo Car Group"un satışları yanvar ayında kəskin dərəcədə - 20,2% azalaraq 47 561 vahid avtomobilə enib.

Avtosfer.az-ın məlumatına görə, şirkətin avtomobillərinə yüksək tələbata baxmayaraq, mikroçiplərin çatışmazlığı istehsalı və nəticədə satışların da azalmasına gətirib çıxarıb. İsveçin nəhəng avtomobil şirkətinin Avropadakı satışları 24,8%, ABŞ-da isə 12,8% azalıb.

Qeyd edək ki, qlobal miqyasda çiplərin tədarükündə fasilələr ilk növbədə müxtəlif elektron sistemlərin istehsalı üzrə ixtisaslaşmış şirkətlərin gəlirlərinə təsir göstərib.

APA