Yaponiyada 3 min dollardan ucuz elektromobillər istehsal olunacaq

"Yaxın zamanlarda dünya avtomobil bazarından ucuz elektromobillər peyda olacaq. Bununla da yeni nəqliyyat növünə tələbat sürətlə artacaq."

Avtosfer.az bildirir ki, bunu Yaponiyanın "Nidec" mühərrik istehsalı şirkətinin rəhbəri Sigenobu Naqamori deyib.

O bildirib ki, Çin istehsalı olan və qiyməti 4 300 dollar təşkil "Wuling" elektromobili ölkədəki satış həcminə görə "Tesla Model 3" avtomobillərini geridə qoyub.

Şirkət rəhbəri əlavə edib ki, yaxın gələcəkdə Yaponiyada satış qiyməti 3 min dollardan az olacaq elektromobillər istehsal olunacaq. "Yeni avtomobillər ümumi satış həcmini hazırda mövcud olan 90 milyondan 300 milyonadək artıra bilər" - deyə şirkət rəhbəri əlvə edib.