Yüz minlərlə dəyəri olan “Ferrari” qəzada yararsız hala düşdü

Polşada “Ferrari 488 Pista” avtomobilini idarə edən sürücü qəza törədib.

İdarəetməni itirən sürücü təhlükəsizlik baryerlərinə çırpılıb. Avtomobilə ciddi zərər dəysə də, sürücü heç bir xəsarət almadan qəzadan xilas olub.

Polşa polisinin məlumatına görə, qəzaya səbəb sürücünün hərəkət üçün düzgün sürət həddini müəyyənləşdirə bilməməsi olub. Avtomobilin bərpa olunması ehtimalının çox az olduğu bildirilir.

720 at gücünə malik “tvin-turbo” V8 motoru ilə təchiz olunmuş avtomobil üç saniyədən az müddətdə 100 km/s sürətə çata bilir. Avtomobilin satış qiyməti 331 min dollardan (562 min manat) başlayır.