Aeroport işçilərini daşıyan avtobus aşdı: 1-ağır, 9 yaralı - FOTO

İstanbulda hava limanının təmizlik işçilərini daşıyan avtobus yolun buzlu olması səbəbindən idarəetmədən çıxaraq dəmir arakəsmələrə çırpılıb.

Avtosfer.az Türkiyə KİV-inə istindən xəbər verir ki, qəzanın şiddətindən avtobus aşıb və nəticədə 1-i ağır olmaqla 9 nəfər xəsarət alıb.

Hadisə yerinə çoxlu sayda tibb, polis və xilasetmə briqadaları əməkdaşları cəlb olunub.

Yaralılara ilkin tibbi yardım göstərildikdən sonra təcili tibbi yardım maşınları ilə xəstəxanaya aparılıblar.

Onlardan bir nəfərin vəziyyəti ağır olduğu bildirilib.

Polis qəza ilə bağlı araşdırmalara başlayıb.

Namiq