Alaniyalı jurnalistlər Avtosfer.az-ın qonağı olub - FOTO

Bu gün Parlament Jurnalistləri Birliyinin təşilatçılığı ilə Türkiyənin Alanya şəhərindən olan bir qrup jurnalist Avtosfer.az saytında olub və saytın rəhbəri Elməddin Muradlı və əməkdaşları ilə görüş keçirib.

Görüşdə  “Alanya Aktiv Gazeteciler Cəmiyəti”nin sədri və “Yeni Alanya” qəzetinin rəhbəri Ferit Kesen, “Gündem Alanya” qəzetinin əməkdaşı Zeliha Oner, “Alanya Mahmutlar Post” qəzetinin  həmtəsisçisi Mesut İlhan, “Yenialanya” qəzetinin redaktoru Meryem Kanberoğlu və Parlament Jurnalistləri Birliyinin sədri Elşad Eyvazlı iştirak edib.

Görüş zamanı  ikitərəfli müzakirələr aparılıb və Türkiyə-Azərbaycan jurnalistikasının oxşar və fərqli cəhətlərinə toxulub.

Sayt barədə məlumat verən Elməddin Muradlı bildirib ki, əsasən nəqliyyat sahəsindən bəhs etsə də ictimai-siyasi sferada da Avtosfer.az oxucuların rəğbətini qazanıb.

Türkiyəli jurnalistlər Avtosfer.az tipli saytın Türkiyədə də olmasının vacibliyini diqqətə çatdırıblar.

Səmimi atmosferdə keçən görüşdə bir sıra digər məsələlər də müzakirə edilib.

Sonda Alaniya Futbol klubunun forması Elməddin Muradlıya hədiyyə edilib. Avtosfer.az-ın hədiyyəsi də qonaqlara təqdim edilib.