Arı dolu yük maşını aşdı: 2 nəfər yaralandı, 12 nəfəri isə arı sancdı - FOTO

Türkiyənin Bursa vilayətinin İznik rayonunda döngəli yolda idarəetmədən çıxan arı dolu yük maşını aşıb. Avtosfer.az Türkiyə mətbuatına istinadən xəbər verir ki, minlərlə arı pətəkdən çıxaraq səmaya dağılıb və bundan rayon sakinləri təşvişə düşüb. Vətəndaşlar arılar səbəbindən yük maşınında olan yaralılara kömək etməkdə çətinlik çəkiblər.

Qəza nəticəsində 2 nəfər xəsarət alıb. 12 nəfər isə arı sancıb.

Hadisə yerinə çoxlu sayda xilasetmə və tibb briqadaları cəlb edilib.

Yaralılar Rayon Mərkəzi Xəstəxanasına yerləşdiriliblər.

Ətrafa dağılan arı pətəkləri, İznik Arıçılar Birliyindən gələn 10 nəfərlik qrup tərəfindən yığılıb.

Namiq