Arvadına aldığı "Porsche"ni ZİBİLLİYƏ ATDI: İnsanlar selfi çəkdirdi - FOTOLAR

Rusiyanın Moskva vilayətində maraqlı hadisə baş verib.

Avtosfer.az yerli mediaya istinadən xəbər verir ki, Mıtışi şəhərində bir kişi “Porsche Macan” krossoverini zibil qabına atıb.

Buna səbəb isə Sergey adlı şəxsin araları soyuq olan həyat yoldaşı Allaya 3 milyon rubla (təxminən 58960 manat) qəza keçirmiş “Porsche Macan” almasıdır.

Lakin Sergey aldığı avtomobili təmir etdirdikdən sonra 8 Mart hədiyyəsi olaraq xanımına verməyi planlaşdırırdı. Səbri çatmayan Sergey avtomobili təmir etdirəcəyini söz verərək 14 fevral “Sevgililər günü”də verib. Ancaq bu cür hədiyyəni Alla bəyənməyib və avtomobildən imtina edib. Çarəsiz qalan Sergey daha sonra maşını zibil konteynerinə yükləyib.

Bildirilir ki, artıq avtomobil 12 gündür ki, zibillikdədir və yerli sakinlər onunla şelfi çəkdirirlər.

Namiq Musayev