Avtobus dayanacağını külək iki dəfə dağıdıb - Sakinlər kömək istəyir - FOTO

Əbdürrəhim bəy Haqverdiyev küçəsi ilə Hüseyn Cavid prospektinin kəsişdiyi ərazi Bakının ən küləkli yerlərindən biridir. Külək bu yerdə hətta dayanacaq pavilyonlarını dağıdır.

Avtosfer.az xəbər verir ki, ərazidəki dayanacaqlardan birinin (Əbdürrəhim bəy Haqverdiyev küçəsi 43) pavilyonunu külək iki dəfə dağıdıb. Sonuncu hadisənin bir neçə ay əvvəl baş verdiyi deyilir. Hazırda dayanacaq pavilyonsuz qalıb.

Hazırda şəhərin bir neçə ünvanında yeni dayanacaq pavilyonları quraşdırılır. Sakinlər AYNA-dan sözügedən ünvandakı dayanacaq məntəqəsinə də diqqət göstərməsini xahiş edir.