Avtobus yük maşını ilə toqquşdu: 2 ölü, 4-ü ağır olmaqla 30 yaralı - FOTO

Türkiyənin Bitlis bölgəsində iki nəqliyyat vasitəsinin iştirakı ilə ağır yol qəzası baş verib. Avtosfer.az yerli KİV-ə istinadən xəbər verir ki, hadisə iyunun 9-da Bitlis-Van trasının Kuskunkıran Tuneli yaxınlığında qeydə alınıb.

Məlumata görə, hərəkətdə olan sərnişin avtobusu yük maşını ilə toqquşub.

Zərbənin təsirindən avtobus aşıb, yük maşınının kabinə hissəsi isə deformasiyaya uğrayıb.  

Nəticədə 2 nəfər ölüb, 4-ü ağır olmaqla 30 nəfər yaralanıb.

Yaralılar, hadisə yerinə cəlb edilən ambulanslarla bölgənin müxtəlif xəstəxanalarına aparılıblar.

Polis qəzanın başvermə səbəblərini araşdırır.

Namiq Musayev