Avtomobil arakəsmələrə çırpıldı: dəmir sürücünün qarnına girdi - FOTO

Türkiyənin Dənizli vilayətinin Pamukkale rayonunda, bilinməyən səbəbdən idarəetmədən çıxan avtomobil dəmir arakəsmələrə çırpılıb. Avtosfer.az Türkiyə mətbuatına istinadən xəbər verir ki, qəzanın şiddətindən dəmir arakəsmə avtomobilin ön hissəsindən keçərək sürücünün qarın nahiyyəsinə batıb.

Ətrafdakı insanların çağırışı ilə hadisə yerinə tibb, xilasetmə və polis briqadaları cəlb edilib.

Xilasetmə əməkdaşları sürücünü sıxışdığı yerdən çıxararaq tibb əməkdaşlarına təhvil veriblər.

Xəstəxanaya yerləşdirilən yaralının vəziyyətinin ağır olduğu bildirilib.

Polis qəza ilə bağlı araşdırma aparır.

Namiq