Avtomobil dəmir məhəccərə çırpıldı: 1 nəfər yanaraq ölüb - FOTO

Türkiyədə dəmir məhəccərə çırpılan avtomobil yanıb. Avtosfer.az yerli mətbuata istinadən xəbər verir ki, qəza Sivasın Akıncılar rayonunda baş verib. Suşəhər – Ərzincan istiqamətində hərəkətdə olan maşın sürücünün idarə etməsindən çıxaraq dəmir məhəccərə dəyib. Qəzanın şiddətindən nəqliyyat vasitəsi yanıb.

Ətrafdakı vətəndaşların çağırışı ilə hadisə yerinə polis, tibb və yanğınsöndürmə əməkdaşları gəlib. Qısa müddət ərzində hadisə yerinə gələn əməkdaşlar yanğına müdaxilə ediblər.

Nəticədə 1 nəfər yanaraq ölüb, 1 nəfər isə xəsarət alıb.

Yaralı Akıncılar Dövlət Xəstəxanasına yerləşdirilib.

Polis qəza ilə bağlı araşdırmalara başlayıb.

Namiq