Avtomobil insanın xarakterinin əksidir - FOTO

Avtomobil bəziləri üçün dost, tənhalıq yeri, ikinci ev, kim üçünsə ikinci “həyat yoldaşı” kimi qəbul edilir. Həm də avtomobilin xarakterik xüsusiyyətləri sürücünün xarakterini anlamağa kömək edə bilər. Üstünlüklər temperamentdən asılıdır.
Avtomobil sizə vərdişlər və xarakter xüsusiyyətləri haqqında ətraflı məlumat verəcək ideal məlumat mənbəyidir. Bəs gəlin görək, avtomobil və sahibinin xasiyyəti arasında hansı əlaqə var?
Xoleriklər. İddialı və məqsədyönlü xolerik tipli insanlar parlaq və rəngarəng avtomobillərdə hərəkət etməyi sevir.

Sanqvinik. Bu insanların bütün həyatı fasiləsiz bayram kimidir. Belə insanlar qeyri-adi görünüşə, tam təchiz edilmiş interyerə malik avtomobillərə üstünlük verirlər. Sanqvinik insanların nəqliyyat vasitələri digər avtomobillər arasından seçilməlidir. 

Melanxolik. Bu insanlar kədərə, müntəzəmliyə meyllidirlər. Elə buna görə də onlar əfsanəvi brendlərin klassik modellərinə üstünlük verirlər. 

Flegmatik. Onların seçimləri praktikliyi ilə xarakterizə olunur: xidmət müddəti, keyfiyyət xüsusiyyətləri. 

Avtomobil öz sahibinin ətraflı təsvirini verə bilən vasitələrdən biridir. Təəssüf ki, bir sürücü həmişə ürəyinin istəyi və zövq üstünlükləri ilə seçim edə bilmir. Bəzən cibinin gücü çatanla kifayətlənməyə məcbur qalır.
Sürücünün “kimliyini” avtomobilin tək markasına deyil, həm də onun vəziyyətinə, xarici görünüşünə, salon üzlüklərinə, rənginə görə də öyrənə bilərsiniz. Misal üçün:

Rəng. Qırmızı rəngə özünə güvənən insanlar üstünlük verir; yaşılı sakit, özünü təmin edən avtomobil sahibləri seçirlər; mavi - duyğularla deyil, ağılla idarə olunan praqmatik insanların seçimi olur; ağ - təmizliyi və dəqiqliyi sevən idealistlərin rəngidir; tünd rənglərə adətən diqqət cəlb etməyə çalışmayan sürücülər üstünlük verirlər.

Ölçü. Hündür və qabaritli avtomobillərə azadlığa can atan, şəxsi əhatələrini məhdudlaşdırmağı sevməyən insanlar üstünlük verir. Çox kiçik modellər isə özgüvəni aşağı olan insanların seçimi olur. 

Transmissiya. Özünə güvənən sürücülər mexaniki, rahatlığını düşünənlər isə avtomatik sürətlər qutusuna üstünlük verirlər.

Sürücülük tərzi. Yavaş, təhlükəsiz sürücülük sabit psixikaya malik açıq, səmimi, xoş xasiyyətli insanlara xasdır. Riskli manevrlər, aqressivlik avtomobil sahibində olan zəiflik, impulsivlik və stressdən xəbər verir.

Sonda Avtosfer.az olaraq sürücülərə avtomobillərinin hansı ölçüdə, rəngdə və modeldə olmasından asılı olmayaraq, onlara yollarda təhlükəsizliyə və qaydalara riayət etməyi tövsiyə edirik.

Nərminə Əli