Avtomobil yük maşınına çırpıldı: polis zabiti və anası öldü, atası və arvadı isə yaralandı - FOTO

Türkiyənin Ərzincan bölgəsində iki nəqliyyat vasitəsinin iştirakı ilə baş verən yol qəzasında bir ailənin 2 üzvü ölüb, 2-si isə xəsarət alıb.

Avtosfer.az “trthaber”ə istinadən xəbər verir ki, hadisə Sivas-Ərzincan şosesinin Rəfahiyə mahalı Altköy yaxınlığında qeydə alınıb.

Məlumata görə, 64 yaşlı Hakkı Yakulinin idarə etdiyi minik avtomobili yol kənarında park edilmiş yük maşınına arxadan çırpılıb. Zərbənin təsirindən minik avtomobilinin ön hissəsi deformasiyaya uğrayıb.

Qəzada ölən şəxslər Ağrı əyalət Polis İdarəsinin zabiti 35 yaşlı Hakan Yakuli və anası 53 yaşlı Hümeyre Yakuli olub. Hakan Y.-nin həyat yoldaşı 36 yaşlı Kumru Yakuli, atası  Hakkı Yakuli (minik maşınının sürücüsü) isə yaralanıb.

Yaralılar, hadisə yerinə cəlb edilən ambulanslarla xəstəxanaya aparılıblar.

Hüquq-mühafizə orqanları tərəfindən qəzanın baş vermə səbəbləri araşdırılır.

Namiq Musayev