Azərbaycanda bu maşınla dəmir yollarının texniki vəziyyəti yoxlanılır - FOTO

Dəmir yollarında təhlükəsizliyin təmin olunması prioritet məsələdir. "Azərbaycan Dəmir Yalları" QSC hərəkətin təhlükəsizliyini, relslərin sazlığını təmin etmək üçün dəmir yolu xətlərinin yoxlanılmasında Britaniya istehsalı müasir MDL-“Land Rover” mobil defektoskop laboratoriyasından istifadə edir.

Avtosfer.az xəbər verir ki, kombinə edilmiş MDL - “Land Rover” yolların əks səda və güzgü kölgə nəzarət metodu ilə ultrasəs diaqnostikasını aparır, mövcud və ya yarana biləcək nöqsanları operativ qaydada aşkarlayır, müvafiq məlumatları qeyd edir və onları sonrakı təhlil üçün vahid məlumat bazasına ötürür.

Belə ki, Yevlax-Balakən istiqamətində bu defektoskop laboratoriya vasitəsilə 162 km rels təsərrüfatı yoxlanılıb, əldə olunan məlumatlar əsasında görüləcək işlər müəyyən edilib.