Bakıda ağacların qəniminə çevrilən sürücülər - FOTOLAR
Avtosfer Foto 13 Yanvar 2022 15:27 Oxunub 384
Bakıda ağacların qəniminə çevrilən sürücülər - FOTOLAR

Bu fotolar Moskva prospekti 9 ünvanda, "Azərbaycanfilm" Kinostudiyasının qarşısında çəkilib. Avtosfer.az xəbər verir ki, yaxın ərazidə işləyənlər qazonu və ağacların altını parkinq yerinə çevirib. Onlar avtomobillə təzə əkilmiş ağacları tapdayaraq məhv edirlər.

Bakı kimi şəhərdə bir budağın belə insan həyatı üçün nə dərəcədə əhəmiyyətli olduğunu söyləməyə ehtiyac yoxdur. Heç şübhə etmirəm ki, kiçik ağacları tapdalayanlar əllərinə fürsət düşdükdə böyük ağacları da parkinq xatirinə və ya sadəcə olaraq xoşlarına gəlmədiyi üçün baltalayacaqlar. Dibi tapdanan ağaclar məhv olmayıb, amma bu təbiət düşməni sürücülərin sayəsində ağacların inkişafı kifayət qədər ləngiyib.
Qazonun sağında, Kinostudiyanın giriş qapısının qarşısında isə vəziyyət lap biabırçıdır. Şərqin ilk kinostudiyasının qarşısındakı boş sahəni zəncirləyib parklama yeri düzəldib pul yığılmasına hansı ad verəcəyimizi anlamaq olmur. Zəncirin açılıb bağlanmasına isə kinostudiyanın mühafizəsi nəzarət edir.

 

Vüqar Yaşaroğlu

FOTO QALEREYA
ŞƏRH YAZ
Ad

E-mail

Şərh