Bakıda analoqu olmayan yol təmiri - Asfaltı yarımçıq çəkdilər - YENİLƏNİB - FOTO
Avtosfer Foto 7 Aprel 2022 14:58 Oxunub 1172
Bakıda analoqu olmayan yol təmiri - Asfaltı yarımçıq çəkdilər - YENİLƏNİB - FOTO

Bir qədər əvvəl Agentliyin əməkdaşları əraziyə gəlib və yaranmış problemi aradan qaldırıb.

***

Bakıda təmir işləri zamanı yolda park edilmiş avtomobilin altına asfalt çəkilməyib. Səbail rayonu “20-ci Sahə” adlanan ərazidə yola asfalt çəkilib. Həmin vaxt yolun bir kənarına avtomobil park edilib. Yol təmir edilsə də, avtomobilin parklandığı yer olduğu kimi qalıb. Görüntülər sosial şəbəkələrdə müzakirələrə səbəb olub. 

Məsələ barədə Azərbaycan Avtomobil Yolları Dövlət Agentliyi ilə əlaqə saxladıq.

Qurumun mətbuat xidmətinin rəhbəri Anar Nəcəfli Oxu.Az-a açıqlamasında bildirdi ki, məsələ bu gün həllini tapacaq:

“Əraziyə asfalt vurulan zaman həmin maşın ərazidə olub və sahibi tapılmadığı üçün belə bir vəziyyət yaranıb. Çünki bizim sahibi tapılmayan avtomobilin yerini dəyişməyə ixtiyarımız yoxdur. Bu gün artıq məsələ həllini tapacaq”.

 

FOTO QALEREYA
ŞƏRH YAZ
Ad

E-mail

Şərh