Bakıda işləməyən işıqfor ard-arda qəzalara səbəb olur - FOTO

Ötən gün səhər saatlarında Xətai rayonunda ağır yol-nəqliyyat hadisəsi baş verib.

Avtosfer.az xəbər verir ki, bu barədə məlumat BAKU.WS-in "qaynar xətti"nə daxil olub.

Bildirilib ki, hadisə rayonun Süleyman Vəzirov kücəsi ilə Nəcəfqulu Rəfiyev küçəsinin kəsişməsində qeydə alınıb. 

O da qeyd olunub ki, bu, sözügedən ərazidə baş verən ilk belə hal deyil. Səbəb isə yolda işıqforun işləməməsidir. 

"2 aya yaxındır ərazidə işıqfor işləmir. Bu yaxınlarda avtobusun iştirakı ilə oxşar qəza baş vermişdi. Orada da səbəb işıqforun işləməməsi idi".