Bakıdakı parkomatları yığışdırıb görün hara atıblar - Milyonlar belə çürüyür - FOTO
Avtosfer Foto 6 Fevral 2022 19:35 Oxunub 7956
Bakıdakı parkomatları yığışdırıb görün hara atıblar  - Milyonlar belə çürüyür   - FOTO

Sosial şəbəkələrdə yayılmış görüntülər izləyicilər tərəfindən birmənalı qarşılanmayıb. Avtosfer.az xəbər verir ki, Suraxanı rayonu, Günəşli qəsəbəsində yerləşən kənd təsərrüfatı yarmarkasında parkomat məzarlığı aşkar olunub.
Xatırladaq ki, bu cihazları təxminən 2012-ci ildə Bakı şəhər İcra Hakimiyyəti quraşdırmışdı. Hərəsinin yanına da bir işçi təhkim olunmuşdu ki, pul yığımına nəzarət etsin. 
Qeyd edək ki, bu parkomatların istehsalçısı dünyada bu sahədə ən məşhur şirkətlərdən olan Parkeon S.A. şirkətidir (indi Flowbird). Yəni, ucuz bir avadanlıq deyil. Vaxtilə milyonların xərcləndiyi bu avadanlıqlar indi anbarında çürüyür.

Parklanma haqqında müasir ədəbiyyata baxanda birmənalı tövsiyə olunur ki, yeni bir sistem qurulursa fiziki infrastrukturdan mümkün qədər az istifadə edilsin, bura parkomatlar da aiddir. 
İndi hamının cibində smartfon olduğuna görə, parklanmanın ödənişini elə mobil tətbiqdən etmək olar, məlumat da sistemə düşəcək, kağız qəbzlərə də ehtiyac qalmayacaq.
Məsələn keçən il Kiyev şəhərində  ödənişli küçə parklanması yenidən tətbiq olunanda, onlar parkomatlardan istifadə etməməyə qərar verdilər. Mobil tətbiqə alternativ olaraq sürücülər şəhərin əksər yerində olan ödəniş terminallarından (bizdəki MilliÖn, E-manat və s. kimi) istifadə oluna bilər.

Fərid 

FOTO QALEREYA
ŞƏRH YAZ
Ad

E-mail

Şərh