Bakının mərkəzində "piştaxta" qurub səkini zəbt etdilər - Polis yığışdırdı - FOTO - YENİLƏNİB

DİN-in Mətbuat Xidmətinin baş inspektoru polis leytenantı Elbrus İbrahimov Avtosfer.az-a bildirib ki, paytaxtın Atatürk prospekti, "Gənclik" metro stansiyası ərazisində küçə ticarəti ilə bağlı hal polis əməkdaşları tərəfindən aradan qaldırılıb. Küçə ticarəti ilə məşğul olan şəxs barəsində İnzibati Xətalar Məcəlləsinin müvafiq maddəsinə uyğun olaraq qanuna müvafiq tədbir görülüb.

______________________________________________________________________________________________________________________________________

11:30

Paytaxtın Atatürk prospekti, "Gənclik" metro stansiyasına gedən istiqamətdə (Məmməd Araz küçəsinə çatmamış) səki zəbt olunub.

Avtosfer.az xəbər verir ki, bu barədə izləyicilərdən biri Foto göndərib. Belə ki, küçədə meyvə-tərəvəz satan şəxslər həm səkini zəbt ediblər, həm də zibil konteynerlərinin yanında olduğu üçün antisanitar şərait yaranıb. 

Vətəndaşlar aidiyyəti qurumlardan məsələyə müdaxilə etməyi xahiş edir.

Könül Rauf