Binanın avtoparkında partlayış: 2 ölü, 11 yaralı - FOTO

İsveçrədə çoxmərtəbəli binanın avtoparkında partlayış baş verib.

Avtosfer.az xarici KİV-ə istinadən xəbər verir ki, hadisə Aarqau bölgəsinin Nussbaumen ərazisində qeydə alınıb.

Məlumata görə, partlayışdan sonra yanğın olub və alovlar binanın digər mərtəbələrinə də yayılıb.

Hadisə yerinə polis, yanğınsöndürmə və tibb personalı cəlb edilib. Bina sakinləri təxliyyə ediliblər.

Nəticədə 2 nəfər ölüb, 11 nəfər isə xəsarət alıb.

Əraziyə 3 helikopter cəlb edilib və yanğın bir müddət sonra söndürülüb.

Bildirilir ki, binaya və park vəziyyətində olan bir neçə nəqliyyat vasitəsinə ciddi ziyan dəyib.

Partlayışın başvermə səbəbləri araşdırılır.

Namiq Musayev