Bu avtoyuma məntəqəsinə görə avtobus dayancağı zəbt olunur - FOTO

Paytaxtda avtoyuma məntəqəsinə görə piyada və sürücülərin, xüsusən də avtobusların rahat hərəkətinə mane yaranır.

Avtosfer.az xəbər verir ki, bu barədə redaksiyamıza təlimçi Arzu Babazadə fotolar göndərib.

O, bildirib ki, "Dərnəgül" metrostansiyasının Versal şadlıq sarayının yanında avtoyuma məntəqəsinə gələn sürücülər avtomobilləri avtobus dayanağında park edirlər. Hətta növbə gözləyən sürücülər yolun ikinci zolağını da zəbt edir. Bu da avtobusların dayanacağa girib, sərnişin mindirib-düşürməsinə mane olur. Həmçinin “moyka”da növbə gözləyən sürücülər yolun ikinci zolağını da zəbt edirlər ki, bu da digər hərəkət iştirakçılarına mane yaradır.

Avtosfer.az-a göndərilən fotolarda da 77-XC-071 qeydiyyat nişanlı “Land Rover Range Rover” markalı avtomobilin sürücüsünün avtobus dayanacağını, 77-CH-210 qeydiyyat nişanlı “Peugeot” markalı avtomobilin sürücsünün isə yolun ikinci zolağını zəbt etməsi aydıın əks olunub.  

Məhəbbət Tərlanoğlu