Bu ərazidəki piyada zolağı “yoxa çıxıb” - Sürücülər yol vermir, piyadalar təhlükədədir - FOTO

Paytaxtın Xocalı prospektindəki (“Xətai” metrosu yaxınlığında) piyada zolağı silinib.

Avtosfer.az-ın məlumatına görə, xoşagəlməz halla bağlı vətəndaşlar şikayətçidirlər. Onların sözlərinə görə, “Kaspi” təhsil mərkəzinin qarşısında çəkilmiş zolaq uzun müddətdir “yoxa çıxıb”. Belə ki, sürücülər piyada keçidi nişanına məhəl qoymadan yaranmış vəziyyətdən sui-istifadə edirlər. Nəticədə ərazidən keçən piyadalar dəqiqələrlə maşınların onlara yol verməsini gözləyirlər və təhlükə qarşısında qalırlar. 

Təəssüflə qeyd edək ki, paytaxtın bir sıra küçələrində nişanlanma xətləriylə bağlı problem hələ də davam edir. Zolaqlar çəkilərkən keyfiyyətsiz boyalardan istifadə olunduğu üçün bir neçə aydan sonra silinir. 

Ümid edirik ki, piyadaları təhlükə qarşısında qoyan bu mənzərə qısa zamanda aradan qaldırılacaq.

Nərmin