Bu "Mercedes"lərdən daha buraxılmayacaq - FOTO

"Mercedes-Benz" yeni nəsil van avtomobilləri ailəsini təqdim etməyə hazırlaşdığı üçün "Renault" ilə birgə hazırlanan T-klass və onun kommersiya versiyası olan "Citan" modelindən imtina edir.

Avtosfer.az "Automobilwoche"yə istinadən xəbər verir ki, növbəti il Fransanın Mobej şəhərində yerləşən zavodda hər iki modelin istehsalı dayandırılacaq.

Şirkət nümayəndəsi təsdiq edib ki, "Mercedes-Benz" hazırkı strategiyasına uyğun olaraq daha çox premium seqmentlərə diqqət yetirir. Nəticədə, markanın model sırası mütəmadi olaraq optimallaşdırılır.

Gözlənilir ki, EQT kimi tanınan T-klassın elektrik versiyası da istehsaldan çıxarılacaq.

Hazırda "Mercedes-Benz" T-klass və "Citan"nın qiymətləri təxminən 25 min avrodan başlayır.(oxu.az)