“Chevrolet” yenilənmiş “Blazer” krossoverini təqdim edib – FOTO

“Chevrolet” yenilənmiş “Blazer” krossoverini təqdim edib. Avtomobil dizaynda kiçik dəyişiklər alıb, buna görə də onları gözlə görmək olduqca çətindir. Buna baxmayaraq, bir neçə maraqlı yeniləmə var.

Banker.az xəbər verir ki, mərkəzi konsol üzərində əlavə məlumat-əyləncə monitoru yerləşdirilib. Modul ölçüsünə görə artıb – əvvəlki 8 düym indi 10 düym olub. İdarəetmə paneli lazımi məlumatlara çıxışı daha rahat etmək üçün böyük ölçüləri ilə diqqəti cəlb edir.

Avtomobil üçün təkərlər üç variantda təklif olunur – 18, 20 və 21 düym. Bundan əlavə, kuzov rənglərində yeni çalalar meydana gəlib. Kapotun altında 228 at gücünə malik 2.0 litrlik turbomühərrik yer alıb. Premium versiyalarda 308 at gücünə malik 3.6 litrlik mühərrik əlçatan olacaq. Avtomobilin satışları bu ilin yayında başlayacaq.