Dəhşətli qəza baş verdi: bir ailə yox oldu - FOTOLAR

Rusiyanın Leninqrad vilayətində sərnişin qatarının və minik avtomobilinin iştirakı ilə ağır yol-nəqliyyat hadisəsis baş verib. Avtosfer.az xəbər verir ki, qəza İyulun 17-də Qatçina rayonu, Divenskaya kəndi yaxınlığında qeydə alınıb. Bu barədə Şimal-Qərb Nəqliyyat Prokurorluğu məlumat yayıb.

Bildirilib ki, “Renault Koleos” markalı minik avtomobilinin sürücüsü, dəmiryolu keçidində işıqforun qadağanedici siqnalından keçərək, həmin vaxt hərəkətdə olan sərnişin qatarı ilə toqquşub. Zərbənin təsirindən qatar minik avtomobilini stansiyaya qədər sürüyüb və stansiyanın beton örtüyü ilə qatarın arasında qalaraq əzik-əzik olub.

Nəticədə bir ailənin üzvləri olan 51 yaşlı sürücü, həyat yoldaşı və onların iki uşağı aldıqları xəsarətlərdən hadisə yerində ölüblər.

Faktla bağlı cinayət işi açılıb, araşıdrma aparılır.

Namiq Musayev