Dəhşətli qəza: “BMW” “Fiat”la toqquşdu, 5 nəfər öldü - FOTO

Türkiyənin Hatay bölgəsində iki nəqliyyat vasitəsinin iştirakı ilə ağır yol qəzası baş verib. Avtosfer.az yerli KİV-ə istinadən xəbər verir ki, hadisə Qumlu rayonunda qeydə alınıb.

Məlumata görə, xarici nömrə nişanlı “BMW” markalı minik avtomobili havanın yağışlı və sürüşkən olması səbəbindən idarəetmədən çıxaraq əks yolda hərəkətdə olan “Fiat” markalı minik maşını ilə toqquşub.

Zərəbəni şiddətindən “BMW” yol kənarına aşaraq tərsinə çevrilib. “Fiat”ın isə ön hissəsi yararsız vəziyyətə düşüb. Nəticədə 5 nəfər ölüb, 2 nəfər ağır xəsarətlər alıb.

Yaralılar, hadisə yerinə cəlb edilən ambulanslarla yaxınlıqdakı tibb müəsisəsinə aparılıblar.

Faktla bağlı araşdırmalara başlanılıb.

Namiq Musayev