Əks yola çıxan “Nissan” yük maşını ilə toqquşdu: 3 nəfər ölüb - FOTOLAR

Tatarıstan Respublikasında iki nəqliyyat vasitəsinin iştirakı ilə ağır yol qəzası baş verib. Avtosfer.az xəbər verir ki, hadisə avqustun 1-də M5 “Ural” avtomobil yolunun 1268-ci kilometrliyində qeydə alınıb. Bu barədə Respublika Dövlət Yol Müfəttişliyindən bildirilib.

İlkin məlumata görə, 64 yaşlı sürücünün idarə etdiyi “Nissan Tiida” markalı minik avtomobili yolun əks istiqamətinə çıxıb və qarşıdan gələn “Kamaz” markalı yük maşını ilə toqquşub.

Zərbənin təsirindən “Kamaz” və “Nissan” deformasiyaya uğrayıb.

Nəticədə minik avtomobilinin sürücüsü və iki sərnişini aldıqları ağır xəsarətlərdən hadisə yerində ölüblər.

Faktla bağlı araşdırma aparılır.

Namiq Musayev