Kürdəmirdə zəncirvari yol qəzası olub, xəsarət alanlar var - FOTO
Avtosfer Foto 24 Mart 2022 00:15 Oxunub 2640
Kürdəmirdə zəncirvari yol qəzası olub, xəsarət alanlar var  - FOTO

Kürdəmirdə zəncirvari yol qəzası baş verib. Report xəbər verir ki, hadisə Ağsu-Kürdəmir-İmişli yolunun rayonun Mollakənd kəndindən keçən hissəsində qeydə alınıb.

Belə ki, İmişli rayon sakini Baxşəliyev Zamin Soltan oğlunun idarə etdiyi “VAZ-2107” markalı avtomobil Kürdəmir istiqamətində hərəkətdə olarkən əks istiqamətdə hərəkət edən “Mercedes” markalı avtomobilə, sonra isə “Opel” markalı maşına çırpılıb. “VAZ-2107” sonra yoldan çıxaraq yanacaqdoldurma məntəqəsinə çırpılıb.

Hadisə zamanı “VAZ-2107”nin sürücüsü və sərnişini, 52 yaşlı Tağıyev Kərim Məmmədtağı oğlu müxtəlif dərəcəli ağır xəsarətlər alıblar.

Yaralılar təcili tibbi yardım maşınının köməyi ilə Kürdəmir Rayon Mərkəzi xəstəxanasına çatdırılıblar.

Faktla bağlı araşdırma aparılır.

FOTO QALEREYA
ŞƏRH YAZ
Ad

E-mail

Şərh