Mariupolun yeni peyk görüntüləri yayımlanıb - FOTO

“Maxar Technologies” şirkəti Mariupolun yeni peyk görüntülərini yayımlayıb. Görüntülər Rusiyanın genişmiqyaslı əməliyyatları başlayandan bəri çoxsaylı hücumların hədəfinə çevrilən Ukraynanın cənub liman şəhərinə dəyən ziyanın həcmini göstərir.

Kadrlarda yanan, dağılmış yaşayış binaları və zavodlar görünür.

Qeyd edək ki, Rusiya ordusunun hücumu nəticəsində şəhər praktiki olaraq yer üzündən silinib. Mariupolda işıq, su, qaz yoxdur, aviazərbələr nəticəsində bütün yaşayış binaları dağılıb. Şəhərdə humanitar fəlakət hökm sürür. Sakinlərin ac-susuz zirzəmilərdə gizləndiyi bildirilir.

Mənbə: UNİAN